* रुपाली ठोंबरे-पाटील
पुणे :
होऊ घातलेल्या पुणे महापालिका निवडणुकीच्या पार्श्वभूमीवर पुण्यात राजकीय वातावरण तापलेले आहे. पुण्याचे माजी महापौर प्रशांत जगताप यांनी अचानक शरद पवार यांच्या राष्ट्रवादी काँग्रेस पक्षाचे सदस्यत्व सोडले असून, काँग्रेसकडे प्रवेश करण्याचा निर्णय घेतल्याची माहिती मिळाली आहे.
रुपाली ठोंबरे पाटील यांनी प्रशांत जगताप यांच्या या निर्णयावर जोरदार टीका करत म्हटले की, “प्रशांतभाऊने मोठी चूक केली आहे. पक्षातील वरिष्ठांचे आदेश पाळणे प्रत्येक कार्यकर्त्याचे कर्तव्य आहे. राष्ट्रवादी काँग्रेस पक्षाचे अध्यक्ष आणि वरिष्ठ कार्यकर्ते जे निर्णय घेतात, त्याचे अनुसरण करणे गरजेचे आहे.”
माजी महापौर प्रशांत जगताप यांचा पक्ष सोडण्याचा निर्णय अनेकांकडून आश्चर्यकारक मानला जात आहे. त्यांच्या या पावलावरून पुण्यातील महापालिका निवडणुकीच्या राजकारणात नवीन वळण येऊ शकते.
